Die Oberholsters in Suid-Afrika

Na Leon Oberholster se geslagsregister AGTERGROND Die doel van hierdie webwerf is om inligting oor die oorsprong van die Oberholsters/Oberholzers in Suid-Afrika bekend te stel en uit te ruil. Terwyl daar heelwat oor die stamvader, Hans Oberholster, bekend is, is daar nog gapings in ons kennis. Ek het in 1985 begin om materiaal oor Hans Oberholster te versamel en het onder andere baie ure in die argief in Kaapstad en die Genealogiese Instituut (GISA) te Stellenbosch bestee. Ek het 'n groot aantal bronne geraadpleeg, korrespondensie met argiewe in Holland en Switserland gevoer (sien Bronne) en Switserland in 2009 besoek. Ek kon tot dusver nie besonderhede oor Hans se ouers naspoor nie. Ek vertrou dat hierdie webwerf u nie net van inligting sal voorsien nie maar dat dit u genot sal verskaf om meer oor u voorvader te wete te kom. Indien u meer oor die oorsprong van Afrikaanse families te wete wil kom, raadpleeg gerus die voortreflike webwerf van die Genealogiese Instituut van Suid-Afrika (GISA) by: http://www.gisa.org.za/ ATKV - ons maak 'n verskil in Afrikaans Dr Leon Oberholster Posbus 5529 Winklespruit 4145 Suid-Afrika e-mail: leonob@mweb.co.za Tel: (031) 916-6993